Monday, July 9, 2007

زواجي منك



كنت خايفة
خايفة من المسؤولية
خايفة من القيود
خايفة من الملل
شسوي اذا قعدت بـيوم الصبح
التفت يميني الاقيك بويهي
و أرد أغمض عيني...عشان أغير المنظر؟



شسوي اذا رديت البيت
وبغيت ارد اطلع مرة ثانية؟



ما أقدر أتخيل الايام ورا بعض تمر
وتصير حياتي روتين
للزوج والعيال والبيت

أخاف تصير كلمة حبيبي
مجرد اسم مثل باقي الاسامي
مجرد صوت اذا بغيت اناديك فيه

احنا مختلفين
وايد مختلفين


الاختلاف
اول شي ..شي جميل
بعدين يصير بداية جحيم


اخاف إيي يوم احس بالملل
اخاف ايي يوم أمل منك وافكر فيه بغيرك


الكل قال
انتوا انخلقـتو لبعض
عبالهم بـيطمنوني
بس ما دروا زودوا خوفي

الخوف من الفشل
لو فشلنا
لو فشل هالزواج
"!اللي انخلقنا عشانه"
لو فشلت؟


فجأة تفكيرك يوقف
ويصير خيالك عقيم
وتحس بصداع
من القلق
من التوتر
من التفكير والتفكير والتفكير
والتفكير
.
.
.
.

وفجأة التلفون يدق
ألو
شلونج حبيبتي؟



"شلونج حبيبتي؟"
هذا هو الجواب

هذا هو الحل

الراحة اللي كنت أدورها

صوتك

كلامك

يطمني

أحس ...أحس إني أحبك


بس آنا وانت
وين كل ذاك الخوف؟
وكل الهم اللي كان تارسني؟
.
.


مشت الأيام...وما أقول اركضت الايام
ما أقول اني بثبات ونبات

ما أقول انه حياتي كلها مغامرات
"ما أقول اني كل يوم "أكتشف فيك شي يديد
وان الحياة معاك حلمي العتيج
بس

لمن أقعد الصبح

أدش المطبخ
"أنا "عفسة
وانت مرتب
أبي أتريق
أطلع التوست
أغرق التوستة بالمربى
أشرب القهوة
وأرد غرفتي


أنت تقعد

تبي تـتريق
تروح المطبخ
!عفسة...تعصب
ليش الخبز متـنـثر؟
ليش هالعفسة؟
تاخذ الفوطة

تمسح الطاوله
تشرب قهوتك
تدش الغرفة

تشوفني

"صباح الورد حبيبتي"


فهمتني!؟

اختلافنا...مسحته،شلته، بالزبالة قطيته
.
.
.
أبطل عيني كل يوم الصبح ألتفت...وانت يمي
وتدري حبيبي...ما غمضت عيني
.
.
كل شي تسويه يطمني
.
.
.

16 comments:

Anonymous said...

كالعاده متميزه ورائعه
وصحيح الاختلاف يضيف سحر خاص
للعلاقه ...اعجبتني كلماتك الصادقه انتي انسانه شفافه (وهنياله ريلج ..او الي بيكون ريلج
وشكرا على هالبلوق
شوق

Mohammad Al-Yousifi said...

wow

:)

فكري جديا بالكتابة و النشر

Acid said...

شوق*

الشفافية بنظرتج
وطريقة قراءتج لكاتاباتي
وايد ناس ما يعرفون
يقرون اللي اكتبه

مشكورة على كلامج
الطيب


كله مطقوق*
من بديت تزورني
ماطوفت بوست وما
علقت عليه
أقدر تشجيعك
وبالنسبة للنشر
يكفيني متابعتكم لكتاباتي

Mohammad Al-Yousifi said...

انا ما اجامل على فكرة

Acid said...

وانا بعد ما أجامل
من وين فهمت اني
اعتبرك مجامل؟

esTeKaNa said...

انا ما شفت احلى ولا ارق ولا اروع وابسط من هذا البوست
:)
ويني عن بلوقج من زمان
!!

Acid said...

استكانة*

حياج بالمدونة

صرتي الحين منافسة
لردود مطقوق
حلو "فرسز" حلو


اتمنى انج تكونين شايفة
!وايد بوستات

بعدين
شلون اسمج استكانة
وحاطة صورة جلاص؟

Mohammad Al-Yousifi said...

من التواضع بالاكتفاء بمتابعتنا

Unknown said...

جكجكجكجكجكجك
صفقة عودة الصراحة

تدرين ليش
لانها حياة طبيعية جدا جدا

بس ابى تاخذين شغلة من اخوج

بالفيزياء
والكيمياء
وحتى بالشخصيات

يقولج الاضداد تتجاذب وهذا ما يخلق التميز
ولولا تباين الاشياء لما تمايزت بينها الامور

Anonymous said...

استكانة*

حياج بالمدونة

صرتي الحين منافسة
لردود مطقوق
حلو "فرسز" حلو
احم احم احم
وردودي اناا هههههه مو منافسه عاد كيبوردي زعل منج خلاص
يله ماعليه ...على فكره هم هالمره طولتي علينا

شوق

Acid said...

مطقوق*

"التواضع"إز ماي ميدل نيم


مشاري*

كنا قاعدين نطالع مباراة
ولمن قريت ردك
سجل فريقي هدف
واللي حوالي قاموا يصفقون

ضيعتك؟
بقولك انه لنفس اللحظة
اللي قريت فيها جكجكتك
كانوا اللي يمي يجكجكون

Acid said...

شوق*

لول

هو فيه احلى من شوق
وكيبورد شوق

شوق اللي ساندت مدونتي
في حين "كشت" الكثيرون

منو قالج انه ردودج تنافس؟
لو افترضنا انه "ردودج"ردود
فهي فوق المنافسة

لكنها ليست ردود بل اصبحت
مكملة لبوستاتي
فلا يصح بوست دون توقيع شوق

يا شوق يا شواقة
طفي الليت
شبي الليت
غير ردج ما لقيت

هل عفا عني الكيبورد وصاحبه؟
أم علي كتابة بوست اعتذار؟

الزين said...

كل شي فيك يطمنى
بالفعل
حتى عيوبك
الفوضى اللي بحياتك
دفاشتك ساعات
عدم انتقائك للكلمات ساعات

كلك على بعضك
يطمنى انك لازلت يمي
تبذل الجهد عشان تكسب رضاي
تتنسم هواي
تهذر معاي
نصحى يميع
نضحك يميع
وساعات نحزن ونبجي يميع

انت انا
وانا انت
نكمل بعض
نحتوي بعض
نكون واحد

Anonymous said...

يا شوق يا شواقة
طفي الليت
شبي الليت
غير ردج ما لقيت
لووووووووووووووول
فديييتج والله
شوق

Sn3a said...

وااايد عجبني البوست
خصوصا ان الاختلاف شاله .. مسحه.. وقطه
روعه
يعطيج العافيه

بوصالح said...

قعدت أقرا مرة .. و إثنين و ثلاث

خفق قلبي 100 مرة ..

ممكن تقرين مقالتي .. و تقولين رايك عن الزواج .. احس إنت الوحيدة الي تفهميني